Agora é a marca NINCO quen decidiu lanzar tamén o Lotus Exige GT Rallye co que comezamos a tempada e co que actualmente compite Alvaro Muñiz. Este modelo sairá en breve ao mercado, pero xa pode realizarse a reserva en Formula Kit. A decoración é idéntica á do debut en competición do Lotus no pasado Rally de La Vila Joiosa 2011, e foi desenvolvida sobre o molde que xa tiña deseñado NINCO.

É importante destacar que só estarán a colaborar co equipo aqueles afeccionados que reserven o Lotus a través do noso patrocinador Formula Kit. Como é habitual, ao adquirilo tamén recibirán o número que lles corresponde nas promocións de Vallejo Racing.

Pronto se realizará o sorteo para designar os gañadores do curso de condución, ruta 4×4,… do ano 2012, nos que aínda se pode participar adquirindo o Porsche ou Lotus de slot a través de Fórmula Kit.

A polo dobrete !!!

Estamos ledos de ter pasado un día “de carreiras” na primeira edición do Máster de Campións en Santiago. O traballo dos amigos da Escudería Compostela viuse recompensado co bo espectáculo brindado por todos os pilotos participantes, que por momentos fixeron vibrar o gran número de afeccionados que decidiron pasar o fin de semana no Recinto Feiral de Amio.

Estivemos “de xira” por varios centros comerciais de Galicia (actividade á que intentaremos dar continuidade), tratamos de achegarnos aos afeccionados ao automobilismo e ao público en xeral, exhibindo os nosos vehículos de competición, temos organizando sesións de entrega de posters e firma de autógrafos,… Pero isto non era suficiente e no Equipo Vallejo Racing queriamos algo máis. Gústanos que os nosos pilotos e os nosos coches fagan aquilo que constitúe a nosa razón de ser: entrar en acción.

A posibilidade de compartir un día enteiro cos afeccionados sen a presión de necesitar un bo resultado e co dobre obxectivo de gozar e de facer gozar aos demais, non ten prezo. Probablemente cumprísemos ambos os dous obxectivos este domingo. Tanto Vallejo coma Muñiz estaban felices coas numerosas mostras de afecto que recibiron dos afeccionados e trataron de corresponderlles coa súa actuación na pista. Os que estivemos alí puidemos ver a Sergio buscando os límites ás cruzadas do Porsche, espremendo a habitual espectacularidade do coche… a un despeiteado Alvaro, apurando as freadas ata o imposible, atacando cada curva ao máximo… e ao final gañando a proba.

Nova vitoria e trofeo para as vitrinas do Equipo Vallejo Racing, que nos gustaría repetir esta tempada en moitas ocasións. Porque no 2012… todos queremos máis!!!

Grazas amigos.

A nosa Escudería vai pechar a tempada 2011 en Portugal, no CAM RALLY FESTIVAL que se disputa o xoves 8 de decembro no Circuito e Kartódromo Internacional de Braga. Alí hemos estar cos nosos dous coches de carreiras, o Porsche GT3-Rally dos Vallejo e o Lotus GT-Rally de Muñiz. Si non tedes mellor plan … é unha boa opción para coñecer o país veciño, onde o Clube Automóvel do Minho ten preparada esta espectacular proba, dende as 10 da mañán.

>>>>>> Si queres coñecer os horarios das probas, fai clic na imaxe de abaixo.

]]> http://valexoracing.wordpress.com/2011/12/07/imos-a-portugal/feed/ 0 asesor braga-circuito porscheEVR1m http://valexoracing.wordpress.com/2011/12/05/agasallate-co-noso-coche-en-pequeno/ http://valexoracing.wordpress.com/2011/12/05/agasallate-co-noso-coche-en-pequeno/#comments Mon, 05 Dec 2011 13:38:18 +0000 VR http://valexoracing.wordpress.com/?p=845 ]]>

Ven de chegar ao noso patrocinador FORMULA KIT, para a sua venda en exclusiva mundial, a serie limitada e numerada de SCALEXTRIC do noso PORSCHE GT3 de carreiras. Os que non o tiveran reservado xa, aínda poden axudar á Escudería Vallejo Racing mercando un na web www.formulakit.com ou no enderezo electrónico formulakit@formulakit.com, ou chamando a os teléfonos 986 424 546 – 657 988 265 (de 10:00 a 13:30 ou de 16:30 a 20:00).

Lembrade que é unha edición limitada e cando o número de pedidos chegue as unidades fabricadas, non vai ser posible facerse con un.

O coche de SCALEXTRIC entregarase con unha tarxeta numerada e firmada polos irmans Vallejo. Co número da tarxeta pode participarse nos sorteos da Escudería Vallejo Racing (cursos de conducción no Cirsuito da Pastoriza, rutas 4×4, …  e taén de copilotar ao noso Lobo de Meira nas tandas de entrenos no coche de carreiras). O prezo de cada unidade numerada de SCALEXTRIC é de 9,95 €.

Un agasallo especial para estas datas. Podedes coleccionalo como recordo en miniatura, ou ben disfrutar na pista de slot con este novo coche … e non esquecer unha cousa moi importante:

¡¡¡ MERCANDO O COCHE ESTADES A COLABORAR CO NOSO EQUIPO !!!

O vindeiro sábado dispútase en Córdoba a penúltima proba do Campionato de España de Rallyes e a Escudería Vallejo Racing non podía faltar a esta cita andaluza, na que os irmáns Vallejo xa conseguiron a vitoria no ano 2009, que resultou decisiva para conseguir o título nacional.

Aínda que tradicionalmente os tramos do Rally Serra Morena resultaron favorables para os Porsche, o certo é que as previsións meteorolóxicas indican que esta edición probablemente se disputará sobre mollado, o que beneficia aos vehículos de tracción total, netamente superiores nesas condicións.

Centro de atención na proba cordobesa tamén será o equipo formado por Alvaro Muñiz e César Blanco, co espectacular Lotus Exige GT do Equipo Vallejo Racing, que tratarán de reeditar a súa brillante actuación do pasado Rallye Vila de Llanes, onde finalizaron na quinta posición da clasificación xeral.

O equipo tratará de aproveitar o rally para recompilar toda a información necesaria de cara á próxima tempada para afinar o comportamento do Porsche e do Lotus, como xa fixo en Llanes. Sergio Vallejo recorda que “en Asturias probamos diferentes regraxes, aproveitando a chuvia, pero algún erro na elección de pneumáticos e problemas cun amortecedor nos impediron pelexar pola vitoria. En Córdoba intentaremos acertar as montas, probar algunhas configuracións do Porsche e pulir outros aspectos que nos permitan mellorar o próximo ano, aínda que sen renunciar ao obxectivo loitar polo podio”.

A estrutura do Rally de Andalucía, aínda que similar a edicións anteriores, presenta importantes novidades. Na mañá do sábado percorrerase o tradicional tramo de POZOBLANCO e un recuperado VILLANUEVA, que non se disputaba dende hai máis de vinte anos. Tras o reagrupamento dos vehículos en Cidade Mercedes, os participantes atacarán pola tarde a especial de VILLAVICIOSA e o clásico tramo ERMIDAS-TRASSIERRA. … Direccións web de interese: www.vallejoracing.eu www.alvaromunizmora.com www.rallyesierramorena.com